ECએ પ.બંગાળના વધુ બે અફસરો હટાવ્યાMay 17, 2019

  • ECએ પ.બંગાળના વધુ બે અફસરો હટાવ્યા

 બંને અફસરો મુખ્યમંત્રી મમતા બેનરજીના ભત્રીજાના વિસ્તારનાં
કોલકતા તા.17
પશ્ર્ચિમ બંગાળમાં ચૂંટણી પંચે અનેક કડક નિર્ણય લીધા હતાં. ચૂંટણી પંચે રાજ્યમાં સાતમા તબક્કાની ચૂંટણી પહેલા ડાયમંડ હાર્બર પરથી બે અધિકારીઓએ ચૂંટણી ડ્યૂટી પરથી સસ્પેન્ડ કર્યા છે. પંચે ગઇકાલે સાંજે એસડીપીઓ-ડાયમંડ હાર્બર મિથુન કુમાર ડે અને ઓફિસ ઈન્ચાર્જ-એમહર્સ સ્ટ્રીક કૌશિક દાસને તાત્કાલીક અસરથી ચૂંટણી ડ્યૂટીથી હટાવ્યાં છે. ટીએમસીનો ગઢ માનવામાં આવતી ડાયમંડ હાર્બર સીટથી સીએમ મમતા બેનર્જીના ભત્રીજા અભિષેક બેનર્જી ચૂંટણી મેદાનમાં છે. નોંધનીય છે કે બુધવારે ચૂંટણી પંચે મોટી કાર્યવાહી કરતાં ચૂંટણી પ્રચાર સમયમાં 24 કલાક ઘટાડ્યાં હતાં. અનેક વિપક્ષના

દળોએ આ નિર્ણયની ટીકા કરી હતી.
નોંધનીય છે કે મંગળવારે કોલકાતામાં બીજેપી અધ્યક્ષ અમિત શાહના રોડ શો દરમિયાન ખૂબ હંગામો થયો હતો. બીજેપી અને ટીએમસીએ હિંસા માટે એકબીજા પર ટોપલો ઢોળ્યો હતો. ચૂંટણી પંચે હિંસા પર કાર્યવાહી કરતાં ચૂંટણી સમય ઘટાડ્યો હતો. આ સાથે જ પ્રમુખ સચિવ ગૃહ અને સ્વાસ્થ્યને પણ તાત્કાલીક ધોરણે હટાવ્યા હતાં. તેમજ સીઆઈડીના એડીજી રાજીવ કુમારને પણ હટાવ્યાં હતાં.
બુધવારે પોતાના આદેશમાં ચૂંટણી પંચે કહ્યું કે,પશ્ચિમ બંગાળમાં થોડા દિવસો પહેલા થયેલી ઘટનાઓ, ખાસ તો છેલ્લા 24 કલાકમાં જે પણ થયું છે. રાજનૈતિક પાર્ટીઓ તરફથી મળેલી ફરિયાદ, પશ્ચિમ બંગાળ ચૂંટણી આયોગના ડીઈસી રિપોર્ટ અને સ્પેશ્યિલ ઓબ્ઝર્વર અજય નાયક તેમજ વિવેક દૂબેના જોઈન્ટ રિપોર્ટના આધારે સ્વતંત્ર, મુક્ત, પારદર્શી, હિંસા રહિત અને આદર્શ ચૂંટણી કરાવવા માટે કોઈપણ વ્યક્તિ અથવા સમૂહ પબ્લિક મિટિંગ નહીં કરી શકે, આ ઉપરાંત કોઈ અન્ય ઢંગથી પણ ગુરુવારે રાતે દસ કલાક પછી પ્રચાર નહીં કરી શકે.
ચૂંટણી પંચે કહ્યું કે, કદાચ આ પહેલીવાર છે જ્યારે ચૂંટણી પંચે આર્ટિકલ 324નો પ્રયોગ કર્યો. કાનૂન વ્યવસ્થાનું ફરીથી પાલન ન થવા પર હિંસા અને ચૂંટણી દરમિયાન આચાર સંહિતાનું ઉલ્લંઘન થવા પર ફરીથી આ પગલા લઈ શકાય છે. ચૂંટણી પંચ ઈશ્વર ચંદ્ર વિદ્યાસાગરની મૂર્તિ તોડી પાડવાની નિંદા કરે છે. સીઆઈડીના એડીજી રાજીવ કુમારને ગુરુવારે સવારે ગૃહ મંત્રાલયમાં રિપોર્ટ કરવું પડશે. જોકે, ચૂંટણી પંચના આદેશ છતાં રાજીવ કુમાર ગુરુવારે રિપોર્ટ કરવા નહોતા પહોંચ્યા19મેના રોજ થશે મતદાનનોંધનીય છે કે 19 મેના રોજ પશ્ચિમ બંગાળની 9 સીટ પર ચૂંટણી થવાની છે. જેથી દરેક રાજનૈતિક પાર્ટીઓએ પોતાની સમગ્ર તાકાત લગાવી છે. મંગળવારે બીજેપી અધ્યક્ષ અમિત શાહના રોડ શો દરમિયાન ખૂબ જ હંગામો થયો હતો. આ દરમિયાન કોલેજમાં ઈશ્વરચંદ્ર વિદ્યાસાગરની મૂર્તિને પણ નુકસાન પહોંચાડાયું હતું.