હેલ્થ વીમા પોલિસીના પ્રીમિયમમાં ફેરફારો આવશે

  • હેલ્થ વીમા પોલિસીના પ્રીમિયમમાં ફેરફારો આવશે

અમદાવાદ તા.17
થોડા જ સમયમાં જનરલ તથા હેલ્થ ઇન્શ્યોરન્સ કંપનીઓ પ્રીમીયર તથા પેમેન્ટ મોડમાં પરિવર્તન કરે તેવી શકયતા છે. આ ઉપરાંત રાઇડર્સ તથા ડે કેર પ્રોસીજરની યાદી વિસ્તરિત થશે તથા તેમની પોલીસીઓ ઓછી જટિલ પ્રક્રિયામાંથી પસાર થશે. ઇન્શ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઇન્ડિયા (ઇરડાઇ) ની એક દરખાસ્ત સર્ટિફિકેશનના આધાર પર સામાન્ય ફેરફારને મંજુરી કરેલી પ્રોડકટમાં સુધારો કરવો શકય બનાવે છે.
આવી રહેલાં પરિવર્તનો;
વીમા નિયમનકારે સંભવિત ફેરફારોની એક યાદી લિસ્ટ કરી છે. તેમાં પ્રીમીયમની ચુકવણીના મોડમાં વધારા કે ઘટાડનો સમાવેશ થાય છે. મૂળભૂત રીતે મંજુર કરવામાં આવેલા પ્રિમીયરના દરમાં 15 ટકા સુધીનો ફેરફાર કરી શકાશે તથા અન્ય સહિત રાઇડર્સના ઉમેરાનો સમાવેેશ થાય છે. વીમા કંપનીઓ કહે છે કે આ બાબત તેમને તેમની પ્રોડકટને સુધારવામાં મદદ કરશે. તેઓ ગ્રાહકો તરફથી મળતા પ્રતિસાદના આધારે તેમની પ્રોડક્ટમાં સુધારો કરી શકશે.રોયલ સુંદરમ જનરલ ઇન્શ્યોરન્સના પ્રોડકટ (હેલ્થ વિતરણ જેવા સુધારા પોલિસીહોલ્ડર્સ માટે વરદાન બનશે. હાલમાં આવા દરેક સુધારા માટે વીમા કંપનીએ ફાઇલિંગ લાંબી પ્રક્રિયા કરે છે. જેમાં ઘણો સમય બગડે છે.
આ દરખાસ્ત હેઠળ વીમા કંપનીને વધારે પેમેન્ટ મોડ ઓફર કરવા મંજુરી આપશે, જેમ કે માસિક,ત્રિમાસિક વગેરે. એપોલો મ્યુનિક હેલ્થ ઇન્શ્યોરન્સના સીઓઓ ભાબતોષ મિશ્રાએ જણાવ્યું હતું કે એન્યુઅલ પ્રીમિયમનું અપફ્રન્ટ પેમેન્ટ હેલ્થ ઇન્શ્યોરન્સના મેળવવામાં હતોત્સાહનો પ્રકાર છે. આ બાબત હેલ્થ ઇન્શ્યોરન્સને વધારે પોસાય તેવો બનાવશે. જોકે આ મુસદ્રો પ્રીમિયરની ચુકવણી કરવાના મોડને દૂર કરવાની પરવાનગી આપે છે. પરંતુ કોઇ પણ વિલોપનની શકયતા નથી કેમ કે તેને કારણે પ્રીમીયમની ચુકવણી કરવી ઓછી પોસાય અને તે વીમા કંપનીના હિતમાં હોતું નથી. જેના માટે મંજુરી આપવામાં આવી શકે તેવા સુધારામાં વીમાની લઘુતમ તથા મહત્તમ રકમમાં ફેરફાર સમાવેશ થાય છે. મુસદ્ાની નોટમાં ઉમેરવામાં આવ્યું છે કે,નીચી અને/અથવા ઊંચી વય,લાંબા અને/અથવા ટૂંકા ગાળાની પોલીસી મુદત અથવા પ્રીમિયમની ચુકવણી શરતો માટે પ્રીમીયમ દર ઉપલબ્ધ કરાવવા પ્રીમિયમ ટેબલ વિસ્તારવામાં આવશે. આ દરખાસ્તને સ્વીકૃતિ મળશે. પોલિસીધારક માટે આ ફેરફારો અમલમાં આવશે. પોલિસીધારક માટે આ ફેરફારો અમલમાં આવશે. પોલિસીધારક માટે આ ફેરફારો રિન્યુઅલ વખતે અમલી બનશે. ગ્રાહક સુરક્ષા ચળવળકારો સૂચિત ફેરફારના વિરોધમાં
કેટલાક ગ્રાહક સુરક્ષા ચળવળકારો દ્વારા આ પગલાનો વિરોધ થઇ રહ્યો છે, જેઓ માને છે કે વીમા કંપનીઓ આ જોગવાઇઓનો ઉપયોગ પોલીસીધારકોના હિતને ઘટાડવા માટે કરી શકે. પ્રીમીયમની રકમમાં 15 ટકાનો વધારો અથવા ઘટાડો કવરાની બાબત એ મુખ્ય ચિંતા છે. ગ્રાહક સુરક્ષા ચળવળકાર જહાંગીર ગાઇએ જણાવ્યું હતું કે પ્રથમ તો માઇનોર અથવા મેજર એ અસ્પષ્ટ શરત છે. ઉદ્યોગ માટે જે બાબત માઇનોર હોય તે ગ્રાહક માટે મેજર હોઇ શકે. ખાસ કરીને પ્રીમિયમના દરમાં ફેરફારોના સંદર્ભમાં ગ્રાહકોનું હિત જળવાય તેવી શકયતા ઓછી છે. વય સાથે સંકળાયેલ માળખું તથા હેલ્થકેર ફુગાવાને ધ્યાનમાં લઇએ તો વધારાની શકયતા વધારે છે. તેનો અર્થ એવો થયો કે પોલિસીહોલ્ડર્સે વારંવાર પ્રીમીયમની દરમાં વધારા માટે તૈયારી રાખવી પડશે પછી ભલે તેના પર મર્યાદા હોય. બીજી તરફ વીમા કંપનીઓ દલીલ કરે છે કે કોઇ પણ પ્રીમીયમ પરિવર્તન પલીસીધારકને વિપરીત અસર નહીં કરે.
મિશ્રા ભારપૂર્વક કહે છે કે, મહત્તમ 15 ટકાની મર્યાદા મુકીને નિયમનકારે ખાતરી આપી છે કે પ્રીમીયમમાં પરિવર્તન આડેધડ કે અસામાન્ય નહીં હોય. પ્રીમીયમમાં નાના અને સમયસરના સુધારા એકાએક તીવ્ર વધારાથી બચાવે છે તથા તે ગ્રાહકોના હિતમાં છે મુસદામાં જણાવવામાં આવ્યું છે કે વીમા કંપનીને પાછલા ત્રણ નાણાકીય વર્ષમાં સંબંધિત પ્રોડકટમાં સતત એડવર્સ લોસ રેશિયો નોંધાયો હશે. તો જ કોઇ પણ વધારા માટે મંજુરી આપવમાં આવશે. આવો કોઇ પણ વધારો પ્રોડકટને લોંચ અથવા સુધારો કરવામાં આવ્યાનાં ત્રણ વર્ષ બાદ જ કરી શકાશે. જો કોઇ પ્રોડકટને 60 ટકાના અપેક્ષિત લોસ રેશિયો સાથે ફાઇલ કરવામાં આવી હોય અને વાસ્તવમાં તે પ્રોડકટ 90 ટકાને વટાવી જાય તો તે 15 ટકા પ્રાઇસ કરેકશન કરી શકે છે.