શાહરૂખ ખાને અનુષ્કાને કહ્યું, વિરાટ સાથે મારા લગ્ન થવા જોઇતા હતા!

  • શાહરૂખ ખાને અનુષ્કાને કહ્યું, વિરાટ  સાથે મારા લગ્ન થવા જોઇતા હતા!
  • શાહરૂખ ખાને અનુષ્કાને કહ્યું, વિરાટ  સાથે મારા લગ્ન થવા જોઇતા હતા!

મુંબઇ તા.6
શાહરૂખ ખાનની મોસ્ટ અવેટેડ ફિલ્મ ઝીરોનું ટ્રેલર તેમના બર્થડે એટલે કે 2 નવેમ્બરનાં રોજ રીલીઝ થઈ ગયું છે. ટ્રેલર લોન્ચ ઇવેન્ટમાં શાહરૂખે મીડિયાનાં ઘણા પ્રશ્નોનો જવાબ આપ્યો હતો. તેની સાથે ફિલ્મની લીડ એક્ટ્રેસ અનુષ્કા શર્મા અને કેટરીના કૈફ પણ હાજર રહી હતી. અહીં શાહરૂખ ખાને વાત વાતમાં કહ્યું કે તેના લગ્ન વિરાટ કોહલી સાથે થવા જોઇતા હતા. આ સાંભળીને સૌ કોઈ ચોંકી ગયા હતા.
શાહરૂખે આવુ એ માટે કહ્યું કારણ કે કેટરીના અનુષ્કા અને વિરાટનાં લગ્નની તસવીરોની પ્રશંસા કરી રહી હતી. તેણે કહ્યું કે તે બંનેનાં ફોટો જોઇને ઇમોશનલ થઈ ગઈ અને લગ્ન વિશે વિચારવા લાગી. આવામાં શાહરૂખે પણ કહી દીધું કે, તે પણ ફોટો જોઇને વિચારી રહ્યો હતો કે તેના લગ્ન વિરાટ કોહલી સાથે થવા જોઇતા હતા. શાહરૂખની આ વાત સાંભળીને સૌ હસવા લાગ્યા હતા. દીપિકા અને પ્રિયંકાનાં લગ્નને લઇને તમે શું કહેવા માંગો છો? તેવા પ્રશ્નનાં જવાબમાં શાહરૂખે કહ્યું કે, તેઓ બંને લગ્ન કરી રહ્યા છે તો હું શું કરીશ વચ્ચે? લગ્ન તેમના હશે, બાળકો તેમના હશે. મારે જે કરવું હતુ તે હું પહેલા જ કરી ચુક્યો છું. હવે વારંવાર શું લગ્ન કરવાના. શાહરૂખની આ વાત સાંભળીને સૌ હસવા વાગ્યા હતા.