મોદી કાલથી 4 દી’ની બ્રિટનની યાત્રાએ

  • મોદી કાલથી 4 દી’ની બ્રિટનની યાત્રાએ

આગે કદમ  રાષ્ટ્રકુળમાં નિર્ણાયક રોલ સાથે ભારત વૈશ્ર્વિક મંચ પર પહોંચ વિસ્તારશે કોમનવેલ્થ રાષ્ટ્રોની બેઠકમાં ભાગ લેશે: બ્રિટિશ વડાપ્રધાન થેરેસા મે સાથે મંત્રણા કરશે: રાણી એલિઝાબેથને પણ મળશે
નવીદિલ્હી તા.16
વડાપ્રધાન નરેન્દ્ર મોદી મંગળવારે લંડનના પ્રવાસ પર જવાના છે અહીં કોમનવેલ્થ સંમેલનમાં તેઓ ભાગ લેશે. વડાપ્રધાનનો આ પ્રવાસ ઘણો મહત્વનો માનવામાં આવી રહ્યો છે, 53 દેશોવાળા કોમનવેલ્થ સમ્મેલનમાં ભારતની ભૂમિકા મહત્વની હશે. આ સમૂહ ભારતની વૈશ્વિક આકાંક્ષાઓને નવો વળાંક અપાવી શકે છે.
વડાપ્રધાન નરેન્દ્ર મોદી લંડનમાં કોમનવેલ્થ હેડ્સ ગવર્નમેન્ટ બેઠક (કોમનવેલ્થ સમિટ)માં ભાગ લેવાના છે અને તેઓ ભારતના નાણાકીય યોગદાનને બમણું કરવાની સંભાવના છે. આ ભારત તરફથી એ વાતનો સંકેત હોઈ શકે છે કે ભારત કોમનવેલ્થમાં મોટી અને વધારે જવાબદારીઓ ઉઠાવવા માટે તૈયાર છે અને આ રીતે કોમનવેલ્થમાં ભારત એક મહત્વપૂર્ણ શક્તિ બનીને સામે આવી શકે છે. કોમનવેલ્થમાં મોટી જવાબદારીને લઈને નવી દિલ્હીમાં તેની તૈયારીઓ પણ તેજ બની ગઈ છે. 2009 પછી આ પહેલી વખત હશે કે ભારતીય વડાપ્રધાન કોમનવેલ્થ સમિટનો ભાગ બનશે. માલ્ટામાં પાછલી પાછલી બેઠકમાં વડાપ્રધાન મોદી જોડાઈ શક્યા નહોતા. ભારતના ડેપ્યુટી હાઈ કમિશનર દિનેશ પટનાયકે કહ્યું કે, ભારતનું પ્રતિનિધિત્વ ઘણાં વૈશ્વિક સંગઠનોમાં વધ્યું અને કોમનવેલ્થ પણ તેમાંથી એક છે. કોમનવેલ્થમાં જોડાયેલા એક સૌથી મોટા દેશ તરીકે ભારત આંતરાષ્ટ્રીય મંચ પર નેતૃત્વ કરીને મોટી ભૂમિકા ભજવવા માટે ઈચ્છુક છે કે કોમનવેલ્થમાં ભારતની જવાબદારીઓ વધશે.
લંડનમાં મોદીની દ્વિપક્ષીય ગતિવિધિઓમાં મહારાણી એલિઝાબેથ દર્શક તરીકે જોડાશે, જે સંભવત: તેમની અંતિમ કોમનવેલ્થ સમિટની યજમાની હશે.
કહેવાય છે કે કોમનવેલ્થના મુખ્ય નેતાઓ અહીં રાષ્ટ્રીય મંચ પર અને કોમનવેલ્થમાં સાથે આવીને ચર્ચા કરી શકે છે કે કોમનવેલ્થ માટે આ એક નવી શરુઆત જેવું હશે. સ્વીડનમાં એક દ્વિપક્ષીય બેઠક અને સ્ટોકહોમમાં નોર્વે, આઈસલેન્ડ, સ્વીડન, ડેનમાર્ક અને ફિનલેન્ડની સાથે એક ઈન્ડો-શિખર સમ્મેલન પછી મોદી મંગળવારે રાત્રે બ્રિટન પહોંચશે.
18 એપ્રિલે વડાપ્રધાન મોદી આખો દિવસ દ્વિપક્ષીય બેઠકોમાં વ્યસ્ત રહેવાના છે અને તે પછી પ્રિન્સ ચાર્લ્સ તેમના માટે એક ઈવેન્ટનું આયોજન કરશે. આ ઈવેન્ટમાં ભારત-બ્રિટન વચ્ચે ટેક્નિકલિ ક્ષેત્રમાં સહયોગ પ્રદર્શિત કરવામાં આવશે. વડાપ્રધાન મોદી 17 એપ્રિલે લંડન પહોંચશે. 18 એપ્રિલે ટરીઝમાં એક સાથે રાત્રિ ભોજન કરશે અને 19 એપ્રિલે આ મહારાણી સાથે રાત્રિ ભોજન પછી બકિંગમ જશે.
52 દેશોના વડાઓમાં વડાપ્રધાન મોદી એકલા હશે જેમને લિમોઝીન કારમાં સફર કરી શકશે, જ્યારે બાકી દેશોના વડાઓ બસમાં સફર કરશે. આ સાથે જ એ ત્રણ નેતાઓમાંથી એક છે જેમને બકિંગમ પેલેસમાં મહારાણી સાથે મુલાકાત માટે આમંત્રણ મળ્યું છે.