નોકરી મળ્યાના છ માસમાં જ ફાંસો ખાઈ મોત માગતા અરેરાટી

બોર્ડની પરીક્ષાના પ્રારંભ પૂર્વે જ મોત માગતા શિક્ષણ જગતમાં શોક છવાયો
હળવદ તા.13
રાજ્યમાં હાલ ધો.10 અને 12ની પરીક્ષાઓ શરૂ થઇ છે પરીક્ષાના માહોલ વચ્ચે શિક્ષિકાએ ગળેફાંસો ખાઈને જીવન ટૂંકાવતા સમગ્ર હળવદ પંથકના શિક્ષણ વિભાગમાં ચકચાર મચી જવા પામી છે. આ બનાવના પગલે તાલુકાના શિક્ષણ જગતમાં શોક વ્યાપી ગયો હતો.
પોલીસ સુત્રોમાંથી મળતી માહિતી મુજબ મુળ ગામ સરાના અને હાલ હળવદની વસંતપાર્ક સોસાયટીમાં ભાડે રહેતા હિરલ ગોવિંદ ગોઠી ઉ.22એ પોતાના ઘરે પંખા સાથે દુપટ્ટો બાધીને આત્મહત્યા કરી હતી. આ બનાવની જાણ સગાસંબંધીઓ તેમજ શિક્ષણ વિભાગના કર્મચારીઓને થતાં હળવદની સરકારી હોસ્પિટલ ખાતે દોડી આવ્યા હતા.
છેલ્લા 6 મહિના પહેલાં જ હિરલબેનને શિક્ષકની નોકરી મળી હતી અને હળવદ તાલુકાના જૂના ઘાટીલામાં પ્રાથમિક શાળામાં શિક્ષિકા તરીકે ફરજ બજાવતા હિરલબેન નિત્ય ક્રમ મુજબ આજે સવારે 9 વાગ્યાના અરસામાં ફરજ પર જવા માટે રૂમનો દરવાજો બંધ કરી નાખ્યો હતો અને એક કલાક જેટલો સમય વિત્યા બાદ હિરલબેન બહાર નહીં આવતા તેણીના માતાએ રૂમનો દરવાજો અંદરથી બંધ હોવાનું માલુમ પડતા પરિવારજનોને જાણ થઇ હતી કે, હિરલબેને કોઈ અગમ્ય કારણોસર ગળે ટૂપો ખાઈ આત્મહત્યા કરી લીધી હતી. આ ઘટનાથી પરિવારજનોમાં ઘેરા શોકની લાગણી પ્રવર્તી ગઈ છે. તો બીજી તરફ શિક્ષણ વિભાગમાં પણ આ બનાવથી હતભ્રત બની ગયા હતા.
હળવદના વસંતપાર્કમાં રહેતા ગોવિંદભાઈ ગૌઠીના પરિવારજનો વ્હાલસોયી દિકરીના મોત બાદ આઘાતમાં સરકી ગયા છે.